وردة الجاني ...

لو درى قلبك بحالي .. ما يبيت الليل سالي
طعنة الخل بفوادي ما شِهد قلبك شراها
أنتقِم منّه و منّك .. أنتقِم للّي جرالي
توّهتني .. عذّبتني .. سيّلت عيني دماها
يوم أنا شفتك تراقِب .. تنتظر لحظة وصالي
قلتها فرصة حياتي .. ما يعيش اللي رماها
وابتديت ألعَب بحبلِك .. إن تشدّ أرخي حبالي
وانت طيبك ما سِمحْ بالشكّ في نيّه نواها
تهت في كلمة "حبيبي" .. وانت طيفك ما طرالي
بان في عينك شقاوي .. ترسم اللهفة ضماها
صرت عندك كالثريا .. نيلها بالحيل غااالي
كنّي أسمع نجوى روحك : يا عساها .. و يا عساها
ما يفيد الليلة ترجي .. عاشق(ن) سارح فحالي
ضيّعت ليلك رجاوي و ضِعت منها في رجاها
انتهى فصل الحكاية و البطل فيها خيالي
انسى طيفي يا رفيقي .. وردة الجاني جناها