قصيده الشاعر ناصر القحطاني

تراها الصوره اللي جاء عليها بالوداع علوم

تراها الصورة اللي جا [url=http://www.llksa.com/vb/t21078.html]عليها [/url][url=http://www.llksa.com/vb/t21078.html]بالوداع [/url]علوم
فديتك ما سواها حرّك الخفّاق و أوجاعه

عسى يا أحلى هدايا الكون ما انت بمن حلال القوم
عسى يمّي يجيبك من تركتك عنده وداعه

معاك أضيع يا عمري .. و أبي لو ساعةٍ من يوم
تضيّعها معي .. و أنسى وش اليوم و كم الساعه

عشيرك من يد الترك ليد الفرس ليدين الروم
هذا هو يعربيٍّ لا نسى حلمك و لا باعه

تعال الكل ينشد عنك و طيور الخيال تحوم
و أنا ما بين طيف و صوره و دفتر و سمّاعه

من أوّل ما أصبح استفرد بنكهة سرّك المكتوم
و أهيم بكل شارع و أندهك و أخرج على الطاعه

أطارد شمسك اللي لآخر الدنيا بدون غيوم
و الى منّي ذكرت عيونك و مغناي و شراعه

أجي جنب البحر و أحكي له أوّل ما عرفت العوم
و فوق الشاطي أرسم وجهك اللي سافر شعاعه

و الى جا الموج يمّي ضمّت ايدي وجهك المرسوم
و طاحت نجمتينٍ مرّت الخدين مرتاعه

و أعوّد للحدايق ما بقى من زادي إلا اللوم
أفتّش عن عبيرٍ كم و كم نسمه من اتباعه

أداعب وردها و الفلّ و الريحان و اليشموم
و لا هو ملمس الورد الطبيعي يا أجمل أنواعه

و أنشّد عنك أناشيد و عصافير و شجر و كروم
و كرسي باهتٍ لونه و سبع خيوط لمّاعه

و أشوفك في فساتين و ذهب و معلّقٍ منظوم
و أخبّر بك سرايا كل سوق و غالي بضاعه

و أشيل أوراقك أمّ حروف و قلوبٍ تشيل سهوم
و أغنّي ما طرى و أطبع [url=http://www.llksa.com/vb/t21078.html]عليها [/url]الطاري طباعه

و أعوّد للوساده في مسا ما له قمر و نجوم
أصحّي صورتك من نومها و تفزّ فزّاعه

أنام بحضنها لين الصباح يقول (صحّ النوم)
و أفيق بوجهٍ أجمل من (صباح الخير) مطلاعه

الشاعر/ ناصر القحطاني

عواااااااااااااااااااااافي يالغاليه

» قصيده لــ حامد زيد
» قصيده رائعه ..
» موال القحطاني
» قصيده دنيااااااااااااااااااااك
» الشاعر يجب ان .....