السلام عليكم ورحمته الله وبركاته
السلام عليكم يامشرفين واعضاء وضيوف منتدانا الغالي
سوف اقدم لكم لقاء صحفي رائع مع شاعر مميز بعالم الشعر
أرجو أن يحوز على رضاكم ... وبإذن الله سوف تكون هناك لقاءات عديدة في المستقبل
بداية دعوني أقول نبذه عن ضيفنا وشاعرنا لهذه الحلقة ...
بدأ في كتابة الشعر بعمر السادسة عشر حيث كانت له محاولات شعرية غير ناضجة وبسن الثامنة عشر كتب قصائد أحس أنها قد تلاقى استحسان الناس وكانت بداياته في أمسيات للطلبة في جامعة الكويت بعدها شارك في مهرجانات على مستوى الكويت والخليج العربي وعلى مستوى الدول العربية .
رحبوا معي بضيفنا وشاعرنا الكويتي خالد المريخي :
صدى الأحزان : بداية شاعرنا اللي ما يعرفك يجهلك وإنت شاعر شلون بدأت الشعر هات ما عندك؟؟
خالد المريخي :
هاك كل القصايد... هاك واقريهن 000 لا تقولين وش أخرهن وش أولهن
كلهن فدوه لك ها قولي 000 في لساني ترى لسانك يجملهن
صدى الأحزان : الله ... الله وش هالبداية اللي أتحفتنا فيها صح لسانك ... شاعرنا في أحد ساعدك وبالمقابل في أحد وقف بوجهك بمسيرتك الشعرية؟؟
خالد المريخي :
مروا علي أصناف وأشكال وألوان 000 هذا وقف ضدي والأخر وقف لي
صدى الأحزان: خالد إذا غلط عليك أحد أو تبلى عليك ؟ وش تقوله؟ وشلون تدافع عن نفسك ؟؟ وخاصة هالأيام الأصدقاء ينقلبوا لأعداء؟؟
خالد المريخي :
ما ني بمخطي لا تقولون غلطان 000 اللي لكم عيا يبين انكشف لي
ما شفتوا اللي أنا شفته شوف الأعيان 000 يالله عسى يصدف لكم ما صدف لي
صدى الأحزان : صح لسانك خالد... شاعرنا جا دور الوالدة أكيد كل واحد أمه غالية عليه لكن كل واحد له طريقته بالتعبير عن حبه لها وش تقول في الوالدة ؟؟
خالد المريخي :
أمي ماهي أم أمي كنز حنية 000 حلاوة الكون كله من وخذ منها
محبة الأم ليه تصير مخفيه 000 محبة الأم ما ادري ليه ندفنها
أمي مهمة وأهم من الأهمية 000 أبفتخر في محبتها وأبينها
كلي لها بجد من راسي لرجليه 000 أعز من عزها وأهين من يهينها
قليل في حقها اللي قلت وشوية 000 أكبر بواجد من اللي قلت أنا عنها
صدى الأحزان : صح لسانك والله ويخليلك الوالد والوالدة
صدى الأحزان : لا سألناك عن الحبيب كيف يكون حالك؟؟
خالد المريخي :
هذاك أنا أضيع لا طالعت نظراته 000 بعيونه السود يسمح لي ويمنعني
صدى الأحزان: صح لسانك شاعرنا ، شاعرنا إذا غلط المحبوب وش تعمل؟ وش قولك؟
خالد المريخي :
خلوه يخطي أنا راضي بسياته000 يخطي بكيفه لكن لا يقاطعني
من كثر ما أغليه صرت أفرح بزلاته 000 ولو قلتوا أخطا عليك أقول: وش يعني ؟
صدى الأحزان: الله ... الله يعني لو يخطأ مافي مشكلة أبد؟؟
خالد المريخي :
تكفون خلوه لا تحصون غلطاته 000 أنا أدري إنه تلف حالي وضيعني
وأدري سواة العدو أبرك من سواته 000 بس أنا قلبي أعرفه ما يطاوعني
صدى الأحزان: يا بخت الحبيب شاعرنا ، خالد ندري إنه لو اخطأ الحبيب بتسامحه لكن لو فعلا زعلك بكل معنى الكلمة وإنت زعلت وجا الحبيب يراضيك وش تقول؟؟
خالد المريخي :
جاء يطيب خاطري في كلمتين 000 يحسب إن رضاي مضمون وسهل
عذره اللي رجعه شوق وحنين 000 يحسب إن رضاي بشوية غزل
صدى الأحزان: طيب خالد لو إنه ندم على فعلته ؟؟
خالد المريخي :
ما درى إني حالف وحالف يمين 000 ما أرد بكلمتي مهما عمل
صدى الأحزان: يعني بتخليه يزعل؟ ما تلين شوي عليه؟؟
خالد المريخي :
ما يلين القلب والله ما يلين 000 وإن زعل يزعل ويعني لو زعل؟؟
صدى الأحزان: يعني زعلك قوي بس قلبك أبيض تسامح زلاته الصغيرة... الله عليك شاعرنا الكبير
طيب شاعرنا إذا غاب عنك المحبوب أكثر من يومين كيف يكون حالك؟؟
خالد المريخي :
بس يمكن ثلاث أيام غبتيهن 000 لعنبو ... هالثلاث أيام ماأطولهن
طالعي في فعايلهن وشوفيهن 000 تحت عيني تبن لك فعايلهن
لا تجيبين سيرتهن وطاريهن 000 أنزعج حيل ...لا قمت أتخيلهن
صدى الأحزان: يا عيني صح لسانك مليون شاعرنا ، مر الوقت وسار فينا الزمن وعلى أمل نلتقي فيك وبالعبر تتحفنا دوم وبالشعر
وش تحب تضيف شاعرنا بآخر لقاءنا الكثير من رائع؟؟
خالد المريخي :
فمان الله يا أغلى ماسكن قلبي 000فمان الله من شخص أظنك صعب تنسينه
فمان الله يا أول حب عاشه خالد بدنياه 000 عرفك زين وإنت يا بعد عمره تعرفينه
صدى الأحزان: في أمان الله شاعرنا الرائع خالد المريخي سعدنا بلقائك
أشكر حضورك وحضور الأعضاء والزوار وأكيد لنا لقاء آخر بإذن الله 000
موضوع: لقاء صحفي مع الشاعر خالد المريخي .. 